Грекияда яхтадағы өртке қатысты қазақстандықтар айыпталды

Грек прокурорлары жеке яхта бортындағы кәмелетке толған сегіз қазақстандық жолаушыға Сароник аралындағы Гидрадағы өртке қатысы бар деп айыптады, деп хабарлайды Orda.kz.

Кәмелетке толмаған екі жолаушыға айып тағылған жоқ.

Грек билігі Қазақстаннан көмек сұраған, себебі яхтаны жалға алғандар Грекиядан ешбір сұраусыз кетіп қалған.

Айыптау қорытындысына өрт болған жерде прокурор тағайындаған сот-медициналық сараптамасы кезінде табылған жаңа дәлелдер себеп болды. Өрт сөндірушілер жалын тұтанған шығанақта отшашулардың қалдықтарын тапқаны хабарланды.

Бұл ретте яхтаның капитаны мен бірінші көмекшісі ұсталды, ал қалған ұсталған экипаж мүшелері шектеулермен кепілге босатылды.

Сонымен бірге Пирей прокуратурасы Гидра өртіне қатысты іс бойынша порт билігі әрекетіне қатысты алдын ала тергеуді бастады. Яхтаны жалға алушылардың өртке қатысы бар деген күдікке қарамастан Грекиядан кетуіне мүмкіндік берген кез келген жағдайды тексеру басты назарда. Бұл туралы грек ақпарат құралдары хабарлады.

Бұған дейін OCCRP журналистер консорциумы орманға зиян келтіріп, отшашу атылған яхтада демалып жатқан жолаушылардың тізімін жариялаған болатын. Онда кәсіпкер Данияр Әбілғазин мен «Халық банкінің» басшысы Үміт Шаяхметованың аты-жөні шықты, оқиғаның ертеңіне Қазақстан Республикасының Сыртқы істер министрлігі Грекия аралындағы өртке қатысты қазақстандықтарға айып тағылмағанын мәлімдеді.