Грекия санкцияларға қарамастан ресейлік мұнай тасымалын жалғастыруда

Мамыр айының басында енгізілген ЕО-ның алтыншы санкция пакеті ресейлік мұнайға біртіндеп эмбарго салуды қамтиды. Әлемдегі ең үлкен танкер флотына ие Грекия танкер бизнесінің ел үшін маңыздылығын алға тартып, тыйымға қарсы шықты.

Грек танкерлерінің белсенділігі  арқасында Ресейден теңіз арқылы шикі мұнай экспорты салынған санкцияларға қарамастан бұрынғы деңгейде қалды, деп хабарлайды Deutsche Welle.

Күн сайын теңіз арқылы шамамен 509 миллион долларға 4,5 миллион баррель мұнай экспортталады.

Die Welt басылымының хабарлауынша, сәуір айында Ресейдің Приморск, Новороссийск, Усть-Луга және Санкт-Петербург мұнай порттарынан 190 танкер шығып, оның 76-сы Грекия туының астында жүзген.

Сәуір айының соңында грекиялық «Nissos Rhenia» танкері Роттердам портында бортына ресейлік Urals мұнайын тиеп, Сингапурға жүзіп кетті, деп хабарлайды Lloyd's баяндамасы басылымға сілтеме жасап. Үндістанға, Қытайға және Оңтүстік Кореяға көбірек танкерлер бара жатыр, ал Украинадағы әскери қақтығыс салдарынан мұнай танкерлерінің жүк тасымалы тарифтері қазірдің өзінде 230%-ға өсті.

Мамыр айының басында енгізілген ЕО-ның алтыншы санкция пакеті ресейлік мұнайға біртіндеп эмбарго салуды қамтиды. Әлемдегі ең үлкен танкер флотына (716 кеме) ие Грекия танкер бизнесінің ел үшін маңыздылығын алға тартып, тыйымға қарсы шықты.