Грецияда ер адам вакцинадан сегіз минуттан кейін көз жұмды

Криттегі Ираклион университеті ауруханасында 85 жастағы ер адам COVID-19 вакцинациясынан сегіз минут өткен соң қайтыс болды, деп хабарлайды ORDA. ERT қоғамдық телеарнасына сілтеме жасап.

Егде жастағы адам екпеден кейін қабылдау бөлмесінде отырып кенеттен құлаған. Дәрігерлер бірден алғашқы медициналық көмек көрсетті. Ер кісі реанимацияға жетпей қайтыс болды, деп хабарлайды телеарна.

Бірінші экспертиза бойынша оның қайтыс болуы екпеге немесе аллергиялық анафилактикалық шоктың салдарынан емес.

Дәрігерлер бұл екпемен тұспа-тұс келген кенет өлім деп санайды. Ғылыми тұрғыдан кез-келген екпеден кейін болатын өлім тіркелмеген.

Сонымен қатар, өлімнің нақты себептерін анықтау үшін дәрігерлер шұғыл сот-медициналық сараптаманың қажеттігін айтты.

Грецияда екпе 27 желтоқсанда басталды. Күн сайын 20 мыңнан астам екпе жасалады.

Грецияда Pfizer/BioNTech және Moderna вакциналары қолданылады. 15 ақпаннан бастап AstraZeneca вакциналары егіле бастады, ол тек 60 жастан 64 жасқа дейінгі топтар үшін қолданылады.

Дүниежүзілік денсаулық сақтау ұйымының мәліметтері бойынша әлемде коронавирустың 108 миллионнан астам жағдайы тіркелген. 2,3 миллионнан астам адам пандемияның құрбаны болды.