Грантқа өтініш қабылдау басталды

Мемлекеттік гранттарға өтініштер 13-24 шілде аралығында қабылданады, деп хабарлайды Orda.kz Ғылым және жоғары білім министрлігіне сілтеме жасап.

Білім беру гранты конкурсына қатысуға өтінімді оқу орнында да, «Электрондық үкімет» порталы арқылы да беруге болады.

2024-2025 оқу жылына барлығы 78 219 грант бөлінді, оның 3 903-і үкімет белгілеген өңірлерге көшуге дайын ауыл жастарына арналған.

Халық тығыз орналасқан, батыс және жаңадан құрылған өңірлерден келген үміткерлер үшін бюджеттік орындар бөлек бөлінді. 

Конкурсқа қатысу үшін ең төменгі баллдар мен виртуалды қабылдау комиссияларының тізімі Ұлттық тестілеу орталығының сайтында жарияланды.