Google жүйесіне шабуыл: Қазақстанның Бас прокуратурасы ескерту жасады

Қазақстанның Бас прокуратурасы Google жүйесіне жасалған кибершабуыл туралы хабарлады. ShinyHunters хакерлік тобы компаниялардың байланыс деректеріне қол жеткізген, деп жазады Orda.kz.

Ведомствоның мәліметінше, қауіп аймағында шамамен 2,5 млрд Gmail қолданушысы бар. Хакерлер Google қызметкерін алдап, өзін IT-қолдау қызметкері ретінде таныстырып, зиянды қосымшаны орнатуға мәжбүрлеген. Құпиясөздер ұрланбаған, алайда алынған ақпарат фишинг пен алаяқтықта пайдаланылуы мүмкін.

Gmail қолданушыларына +1 (650) кодымен келетін жалған хаттар мен қоңыраулардан сақ болу ескертілді. Бас прокуратура парольді жаңартуды және екі факторлы аутентификацияны қосуды ұсынды.