Google мен Netflix Қазақстанға қанша төлейді?

2022 жылы Қазақстанда шетелдік интернет-компаниялар үшін қосымша құн салығы енгізілді. Мемлекеттік кірістер комитеті цифрлық алпауыттардың бюджетке төлеген қаражатын жариялады, деп хабарлайды Orda.kz.

Қазіргі уақытта Қазақстанда 98 интернет-компания тіркелген.

«Олардың ішінде Alibaba, Aliexpress, Apple, Google, Huawei, Netflix, Pinduoduo, Temu сынды ірі халықаралық ойыншылар да бар. Төленген салықтың жалпы сомасы 70 млрд теңге болады»,  деп нақтылады МКК.

Шетелдік интернет-компаниялардың қызметін бақылау мүмкіндігі болуы үшін Салық кодексіне өзгерістер енгізілді. Қазақстанда тіркелуден бас тартқан шетелдік платформаларға қатысты шаралар бар. Мысалы бұғаттау немесе бұғаттамай тұрып та қатаң шаралар қолданылады.