Гонконгта Қазақстанның инвестициялық мүмкіндіктеріне арналған бизнес-форум өтті

Қазақстан мен Гонконгтың (ҚХР-да арнайы экономикалық аймақ ретінде әрекет етеді) іскерлік қауымдастығы жақынырақ жұмыс істеуге және бірлескен жобаларды жүзеге асыру мүмкіндігін қарастыруға келісті.

Форум соңғы 6 жылда алғаш рет өткізіліп отыр. Оған Гонконг үкіметінің, сауда-өнеркәсіп палаталарының және сауда, қаржы, логистика, өнеркәсіп, азық-түлік импорты және басқа да салаларға маманданған 50-ден астам жергілікті компаниялардың өкілдері қатысты.

«Іс-шара барысында «Kazakh Invest», «Астана» халықаралық қаржы орталығы, QazTrade және басқа да отандық ұйымдардың жетекшілері сөз сөйлеп, қатысушыларды еліміздің іскерлік ахуалымен және Қазақстан Республикасының инвестициялық мүмкіндіктерімен таныстырды», - деді Қазақстан Сыртқы істер министрлігі.