Гонконг штабының басшысы хат түрінде қоқан-лоққы алды

Арнайы әкімшілік аймақтың үкімет кешенінің пошта жәшігінен Гонконг әкімшілігінің басшысы Кэрри Ламның атына жазылған ұстара мен қоқан-лоққы хаты бар конверт табылды. Бұл туралы РИА Новости Гонконг үкіметінің сайтындағы мәлімдемеге сілтеме жасап хабарлады.

Белгілі болғандай, 13 желтоқсанда келіп түскен хаттар жоспарлы тексеру кезінде табылып, содан кейін полицияға арыз берілген.

«Гонконг әкімшілігі басшысының кеңсе өкілі бұл әрекетті айыптады. Гонконг заңға бағынатын қоғам және зорлық-зомбылық пен қорқыту сияқты заңсыз әрекеттерге жол бермейді» делінген хабарламада.

Лауазымды тұлғаның, мейлі ол әкімшілік басшысы болсын, мейлі басқа да мемлекеттік қызметшілер болсын, қызметтік міндеттерін орындауына ықпал ету үшін заңсыз құралдар қолданылса, Гонконг үкіметі бұл мәселеге байыппен қарайтыны және кінәлілерді сотқа жеткізу үшін бар күш-жігерін аямайтыны атап өтілді.

Қорқынышты хат үкімет үйіне 19 желтоқсанда өтетін Арнайы әкімшілік аймақтың заң шығарушы ассамблеясына сайлау қарсаңында түскен.