Головкиннің жаңа  жекпе-жегі туралы белгілі болды

Орта салмақтағы мексикалық Хайме Мунгияның (41-0, 33 КО) мүддесін қорғайтын промоутер Оскар Де Ла Хойя өзінің қамқоршысы үшін Геннадий Головкин мен Дмитрий Биволға қарсы жекпе-жек ұйымдастыруға ниетті екенін хабарлады.

«Біз бірнеше қарсыласпен келіссөздер жүргізіп жатырмыз, олардың бірі - Геннадий Головкин. Хайме - Канелодан кейінгі мексикалық бокстың болашағы деп сенеміз. Сонымен қатар  оның стилі Биволмен тамаша жекпе-жекке кепілдік береді. Барлығын жақын арада жариялаймыз» деп мәлімдеді Де Ла Хойя.

Бұған дейін Головкин WBA және IBF титулдарын босатқан болатын, енді оның IBO белбеуі ғана қалғанын естеріңізге саламыз.