Головкин жапон боксшысына чемпиондық белбеуді қайтарып берді

Қазақстандық боксшы жеңілген қарсыласына шапанын сыйға тартты.

Геннадий Головкин нокаутқа түскен жапон боксшысы Риота Муратаға  чемпиондық белбеуін қайтарып қана қоймай, өзінің  қазақы шапанын да сыйға тартты.

Жекпе-жектен кейін қазақстандық боксшы рингтегі қарсыласына шапан сыйлады.

«Қарсыласыма үлкен құрмет! Ол чемпион және солай қалады» деп жазды GGG Instagram парақшасында.

Сонымен қатар, Геннадий Головкин Риота  Муратаға  чемпиондық белбеуін де қайтаруды шешті. Ол жапон боксшысының киім ауыстыратын бөлмесінен видео жариялады.

 «Мурата, бұл белбеу мәңгі сенікі»  деді әлем чемпионы Геннадий Головкин.

Қазақстандық боксшы бүгін жапониялық Риота Муратаны нокаутқа түсірді. Жекпе-жек тоғыз раундқа созылды. Енді қазақстандық боксшының орта салмақтағы үш титулы бар: ол IBF және IBO-ға жапондық WBA белбеуін қосты.