Головкин Өзбекстанға барудан бас тартты

Дүниежүзілік бокс кеңесінің (WBC) президенті Маурисио Сулейман орта салмақтағы бұрынғы әлем чемпионы қазақстандық боксшы Геннадий Головкинді осыдан бірнеше апта бұрын Өзбекстанда өткен WBC тұжырымы бойынша жыл сайынғы конвенцияға шақырған. 

Дегенмен  оның шақыруы нәтиже бермегені мәлім болды, деп хабарлайды Orda.kz. порталы Sports.kz сайтына сілтеме жасап.

«Біз оны конгреске шақырдық. Мен онымен сөйлесуге тырыстым, ол өткен жылдың қыркүйегінен бері жұдырықтасуға шықпайды, мен оның толысып кеткен бейнесін бір тауардың жарнамасынан көрдім. Менің ойымша, ол отбасымен, баласымен бақытты өмір сүруде», - деді  Сулейман Izquierdazo басылымына. 

Естеріңізге сала кетейік, Геннадий Головкин өзінің соңғы жекпе-жегін 2022 жылдың қыркүйегінде өткізіп, орта салмақтағы әлем чемпионы мексикалық Сауль «Канело» Альвареспен жекпе-жекке шыққан болатын.

Айта кетейік, Головкин ресми түрде әлем чемпиондарының барлық атағынан айырылды. 2023 жылы 14 маусымда Халықаралық бокс ұйымы GGG өзінің орта салмақтағы әлем чемпионы атағын ресми түрде босатқанын хабарлады.

Ал одан бұрын Головкин WBA Super және IBF чемпиондық белбеулерін тастап кеткен болатын. Осылайша, қазақтың спорт  ардагері  кәсіпқой  бокстағы барлық атақтарынан арылып, отбасымен бақытты өмір сүруде.