Головкин Муратаны нокаутқа жіберіп, жеңіске жетті

Қазақстандық кәсіпқой боксшы Геннадий Головкин Токиода өткен бокс кешінде жапондық Риота Муратаны нокаутқа жіберіп, жеңіске жетті.

12 раундқа есептелген орта салмақтағы IBF және WBA Super чемпиондық атағы үшін сенбі күнгі жекпе-жек тоғызыншы раундта көрнекті қазақстандықтың жеңісімен аяқталды.

IBF тұжырымы бойынша екінші рет қатарынан әлем чемпионы атағын қорғаған Головкин үшін бұл оның 44-ші жекпе-жегі және 42-ші жеңісі, оның ішінде нокаутпен 36-шы жеңісі болды.

Кәсіпқой рингте 19-шы жекпе-жегін өткізіп, қоржынында 16 жеңісі бар Мурата үшін жеңіліс мансабындағы үшінші болып шықты.

Осылайша, Головкин IBF және WBA Super әлем чемпиондық белбеулерін сәтті біріктірді. Сонымен қатар, Муратаның беубеуін иемденіп алды.