Головкин мен Канелоның үшінші жекпе-жегі кинотеатрларда көрсетіледі

Қазақстандық Геннадий Головкин мен Сауль «Канело» Альварестің үшінші жекпе-жегі туралы хабарландыру бүкіл мексикалық кинотеатрлар желісіне тарап кетті. Жекпе-жек еліміздің барлық үлкен экрандарында да көрсетіледі.

Мексикалық Cinemex кинотеатрлар желісі өздерінің отандасы Сауль «Канело» Альварес пен орта салмақтағы қазақстандық чемпион Геннадий Головкин арасындағы үшінші жекпе-жектің көрсетілімін жариялады. Sports.kz жекпе-жек 17 қыркүйекте Лас-Вегастағы T-Mobile аренасында өтетінін жазады. Альварестің WBA Super, WBC, WBO және IBF супер орта салмақтағы титулдарына қауіп төнеді.

Жекпе-жек Мексиканың бірқатар қалаларында үлкен экрандарда көрсетіледі деп күтілуде. Билет құны 3 доллардан 7 долларға дейін.

Мексика үшін үлкен спорттық іс-шараларды кинотеатрларда көрсету жаңалық емес. Ол жақта бокстан бөлек, Чемпиондар лигасы мен NFL матчтары жиі осылай көрсетіледі.