Головкин мен «Канело» жекпе-жек алдында көз арбасты

Қазақстандық боксшы Геннадий Головкин мен мексикалық Сауль «Канело» Альварес үшінші жекпе-жек алдындағы соңғы баспасөз мәслихатын өткізді.

Геннадий Головкин бұл жерге оралғанына қуанышты екенін айтып, өзінің бабында екенін мәлімдеді. Сондай-ақ, Канелоның агрессивті екенін атап өтті. Головкиннің айтуынша, ринг кімнің мықты екенін көрсетеді.

«Канело» ескі әдетіне салып, Головкинді уақытынан бұрын жеңу туралы жоспарын айтты.

Головкин-Альварес жекпе-жегі Лас-Вегастың (США) T-Mobile Arena кешенінде өтеді.

Қазақстандықтар бокс кешін «Qazaqstan» және «Qazsport» телеарналарынан тікелей эфирден көре алады. Көпшілік асыға күткен бокс кеші 18 қыркүйек күні сағат 05:00-де басталады.