Голан төбесіндегі қазақстандық бітімгерлер БҰҰ медалімен марапатталды

Қазақстандық бітімгерлер Голан биіктері аумағындағы Фауар базасында Біріккен Ұлттар Ұйымы миссиясы құрамында атқарған қызметі үшін БҰҰ медальдарымен марапатталды, деп хабарлайды Orda.kz.      

Марапатты миссия қолбасшысы генерал-майор Анита Асма табыстады. Медаль қазақстандық контингенттің барлық 139 әскери қызметшісіне түгелдей берілді.

Әскери қызметшілер база күзетін қамтамасыз етіп, жергілікті халықпен өзара іс-қимыл жүргізеді және жағдайды тұрақтандыру бойынша міндеттерін орындайды. 2025 жылдың сәуір айынан бері бітімгерлер 55 тапсырма орындап, 1200-ден астам жарылыс қаупі бар затты және 50-ден астам қолдан жасалған жарылғыш құрылғыны жойған.

Қазақстандық контингент миссияның жауапкершілік аймағында қызметін жалғастыра береді.

Еске салсақ,  Голан төбесіндегі қазақстандық бітімгерлер ай сайын шамамен 1500 доллар алатынын жазғанбыз. Тиісті құжат «Ашық заңды тұлғалар» сайтында жарияланды.  Голан биігіндегі қазақстандық бітімгерлердің жалақысын БҰҰ төлейді.

Оқи отырыңыз: 

• • Қорғаныс министрлігі: Голан биігіндегі қазақстандық бітімгерлерге қауіп жоқ
  • Голан төбесінде Қазақстан туы желбіреді
  • Тоқаев Голан жоталарынан оралған бітімгерлерді марапаттады