«Гүл» оқиғасынан кейін Шымкент полицейлері тергеуге алынды

Шымкенттегі шулы гүл дауынан кейін Ішкі істер министрлігінің ішкі қауіпсіздік басқармасы тәртіп сақшыларын тексеруге шешім қабылдады.

Олардың бірі бұрын учаскелік инспектор болған Мұхтар Беков қарақшылық шабуыл жасады деген күдікке ілінген.

ҚР Қылмыстық кодексінің 191-бабы «Қарақшылық» 2-бөлігі бойынша сотқа дейінгі тергеу басталды, деп хабарлайды ҚР ІІМ. 

Сондай-ақ олар «Қылмыстық кодекстің 371-бабы 1-бөлігі «Абайсыздық» бойынша қозғалған сотқа дейінгі тергеу аясында Шымкент қалалық ІІБ қызметкерлерінің әрекетінің заңдылығын» тексермек.  

Ведомство екі қылмыстық іс бойынша жүргізіліп жатқан тергеуді нақты, әрі жан-жақты қаралатынына уәде берді.