Германияның жаңа канцлері кім болады?

Германияның Социал-демократиялық партиясы (СДП) бундестаг сайлауында жеңіске жетіп, Христиан-демократиялық және Христиан-әлеуметтік одақтар блогы (ХДП/ХӘП) тарихтағы ең төменгі нәтижеге қол жеткізді.

Бұл туралы Orda.kz хабарлайды.

Барлық округтердің мәліметтерін санау нәтижелері бойынша осындай есепке келді.

СДП – 25,7%, ХДП/ХӘП – 24,1% дауыс жинады. Үшінші орынды 14,8%-бен «Жасылдар» партиясы, 11,5%-бен Еркін демократиялық партия, ал «Альтернативті Германия» 10,3% пайыз дауыс алды.

«Солшылдар» партиясы 2002 жылдан бастап алғаш рет партиялық тізімдер бойынша бес пайыздық кедергіні еңсермей қалды. Алайда, бұл олардың Бундестагта фракциясы болмайды дегенді білдірмейді. Неміс заңдарына сәйкес, үш тікелей мандат алған кезде, «солшылдар» партиялық тізімдер бойынша алынған дауыстардың пайызына сәйкес Бундестагта орын алады.

Бундестагқа сайлау Германияда 26 қыркүйекте өтті. Қазіргі канцлер, ХДП бұрынғы жетекшісі Ангела Меркель сайлауға қатыспады. Басқарушы коалиция құрылып, жаңа канцлер тағайындалғаннан кейін қызметінен кетеді деп күтілуде. Олаф Шольц және ХДП/ХӘП кандидаты Армин Лашет канцлер орнына негізгі үміткерлер.