Германиядағы тәжік эмигранттары Эмомали Рахмонның кортежіне жұмыртқа лақтырды

Видеода бір топ эмигрант алдымен Рахмонның күзетшісімен кафеде сөйлесіп, соңында ол белсенділердің бірінің камерасын теуіп жіберген. Бұған жауап ретінде эмигранттар оны соққыға жықты, деп хабарлайды Turkmen.news.

Содан кейін Рахмонның Германия канцлері Олаф Шольцпен кездесуге бара жатқан кортежіне таспен және жұмыртқамен шабуыл жасалды. Неміс полициясы шабуылдың алдын алуға тырысты, бірақ нәтиже болмады – кадрдан Тәжікстан президенті отырған көліктің терезесі жарылғанын көруге болады.

Тәжікстан билігі бұл оқиғаға қатысты түсініктеме берген жоқ. Болжам бойынша, шабуылды оппозициялық «Тәжікстан ұлттық альянсы» мен Тәжікстанда тыйым салынған «Группа 24» қозғалысы жоспарлаған. Рахмонның Германияға сапары қарсаңында олардың жақтастары Берлинде наразылық шерулерін өткізетіндерін мәлімдеген болатын.