«Германияда жұмбақ жағдайда қаза болған қазақ әйелі»: Күйеуі ресей азаматтығын алды

Германияның Бенсхайм қаласында қаза тапқан қазақстандық Айгүл Сайлыбаеваның күйеуі ресейлік БАҚ-та қайғырып отырған адам ретінде көрінді. Қос азаматтығы бар Александр Донцов бейнежазбада Ресей билігінен олардың қызы Жаклинге азаматтық беруді сұрады. Алайда экран сыртында отбасының қайғылы оқиғасы ашық айтылмады, деп хабарлайды Orda.kz.

Айгүлдің ағасының айтуынша, ол ұзақ уақыт бойы тұрмыстық зорлық-зомбылыққа ұшыраған, ал оның жұмбақ өлімі, жүкті болған кезеңінде болды. Тергеу ісі әлі күнге дейін шешілмеген. Неміс полициясы марқұмның отбасына ешқандай ақпарат бермей отыр, ал трагедиядан кейін із-түзсіз жоғалып кеткен енесі әлі күнге дейін табылмады.

Holanews ақпаратына қарасақ, ресейлік БАҚ марқұмның күйеуі мен қызына азаматтық алуға көмектескен Ресей билігін мадақтай көрсетті. 

Еске сала кетсек, Orda.kz Германия полициясының Астананың Сарыарқа ауданының бұрынғы судьясы Айгүл Сайлыбаеваны іздестіріп жатқаны жайлы жазған болатын.