Германияда Орталық Азияның тумалары терроризмге қатысы бар деп айыпталды

Өткен жазда Германияның батысындағы Солтүстік Рейн-Вестфалияда жеті адам ұсталды.

Бұл туралы gazeta.uz хабарлады.

Олардың арасында Түркіменстан, Қырғызстан және Тәжікстан азаматтары бар. Германия Федералдық прокуратурасы ұсталғандардың барлығына лаңкестік топ құрды, соған қатысты және «Ислам мемлекеті» лаңкестік ұйымын қолдады деп айыптады.

Ведомствоның мәліметінше, айыпталушы Германияда лаңкестік әрекеттер жасау үшін топ құрған. Бұл үшін олар үнемі кездесіп, ықтимал шабуыл нысандарын тексеріп, қару сатып алуға әрекеттенген.