Германия үкіметі отставкаға кетті

Германия президенті канцлер мен оның үкіметін отставкаға жіберді, деп хабарлайды Orda.kz.

Президент Франк-Вальтер Штайнмайер федералды канцлер Олаф Шольцке және оның жасақталған 14 министріне отставкаға кету туралы куәлік табыстады. 

Салтанатты рәсім Берлиннің орталығындағы Бельвю президенттік сарайында өтті. Германия заңына сәйкес, канцлер мен министрлер жаңа бундестаг шақырылған күні жұмысын тоқтатады. 

Шенеуніктер заңды түрде қызметтен кеткенімен, жаңа үкімет құрылғанша қызметін атқара тұрады. Бұл Германияда заңмен бекітілген. Бұған дейін жаңа канцлер Фридрих Мерц өз үкіметін 20 сәуірге дейін құруға уәде берген еді.