Германия канцлері Ангела Меркель үндеу жасады

Германия канцлері Ангела Меркель азаматтарды демократиялық негіздерді сақтауға шақырды.

Бұл туралы Orda.kz Deutsche Welle-ге сілтеме жасап хабарлайды.

Меркель неміс бірлігі күніне арналған салтанатты шарада Германияның қайта бірігу процесі әлі де аяқталмағанын атап өтті.

– 1990 жылдың үшінші қазаны – біздің еліміздің бейбітшілік пен бостандық үшін қайта бірігу күні. Бұл бостандық бізге аспаннан түспеген. Себебі ГДР-де өз құқықтары үшін, бостандықтары үшін, басқа қоғам үшін бәрін тәуекел еткен адамдар болды,- деді Меркель.

„Demokratie muss man leben, ausfüllen, schützen. Sie braucht uns so, wie wir sie brauchen. Demokratie ist nicht einfach da, sondern wir müssen immer wieder für sie miteinander arbeiten, jeden Tag“ – Kanzlerin Merkel in ihrer Festrede zum #TagderDeutschenEinheit: pic.twitter.com/3jkSkfcm4l

— Steffen Seibert (@RegSprecher) October 3, 2021

Бұған дейін Германия социал-демократиялық партиясы (SPD) 25,7 пайыз дауыс жинап, Бундестаг сайлауында жеңіске жеткен болатын. Дауыс беру аяқталғаннан кейін Германия канцлері лауазымына екі негізгі үміткер - Олаф Шольц пен Армин Лашшеттер жаңа Германия үкіметін құруға дайын екендіктерін мәлімдеді.