Геннадий Головкин ішкі істер министрлігімен келісімге қол қойды

Ішкі істер министрі мен Ұлттық Олимпиада комитетінің президенті ынтымақтастық туралы келісімге қол қойды.

Бұл туралы ішкі істер министрлігі хабарлады.

Мақсат – салауатты өмір салтын насихаттау және Қазақстанда олимпиадалық қозғалысты дамыту. Спорт пен полицияның тығыз байланыста екенін спорт кадрларының ұстаханасы есептелетін ішкі істер министрлігіне қарасты «Динамо» дене шынықтыру-спорт қоғамы да растап отыр.

Ішкі істер министрі Ержан Сәденов Олимпиада ойындарында жеңіп алған 71 медальдың 66-сы «Динамо» спортшыларына тиесілі екенін атап өтті. Солардың бірі – ел мақтанышы, «Динамо» клубының түлегі, көрнекті боксшы Геннадий Головкин.

Ұлттық Олимпиада комитетінің басшысы ішкі істер министрлігіне олимпиадашыларды дайындауға қолдау көрсеткені үшін алғысын білдірді және спортты одан әрі дамыту және спортшыларды әлемдік жеңістерге дайындау үшін табысты ынтымақтастыққа сенім білдірді.

Кездесу соңында министр Сәденов Геннадий Головкинді халықаралық спортты дамытуға қосқан үлесі үшін ведомстволық медальмен марапаттады.