Геннадий Головкин Халықаралық бокстың Даңқ залына енді

Кәсіпқой бокстан әлем чемпионы болған қазақстандық Геннадий Головкиннің 2026 жылы Халықаралық бокстың Даңқ залына (International Boxing Hall of Fame) есімі жазылады, деп хабарлайды Orda.kz. 

Бұл туралы Даңқ залы ресми сайтында жариялады.

АҚШ-та орналасқан бокс музейі мен даңқ залына жыл сайын кәсіпқой бокста жетістікке жеткен үш боксшы енгізіледі. 

Головкин бұл залда есімі жазылатын алғашқы қазақстандық боксшы болмақ. 

Геннадий Головкин әуесқой бокста 350 жекпе-жек өткізіп, 345-інде жеңіске жеткен. Кәсіпқой рингте 45 кездесу өткізіп, 42 рет ұтты. Оның 37-сі нокаутпен аяқталған. Головкин 2024 жылдан бері Қазақстан ұлттық олимпиада комитетін басқарады. Қазіргі уақытта даңқты боксшы World Boxing ұйымына жетекшілік етеді.

Айта кетейік, халықаралық бокстың Даңқ залында америкалық боксшылар Мұхаммед Али, Майк Тайсон, Флойд Мейвезер, Оскар Де Ла Хойя, британиялық Леннокс Льюис, филиппиндік Мэнни Пакьяо бар. 

Еске салайық, кеше, 4 желтоқсан күні Еуропалық кеңесінің басшысы Антониу Кошта Ақордаға келді.