Газалықтарды көшіру: Сауд Арабиясына Трамптың бастамасы ұнамады

Сауд Арабиясы Трамптың палестиналықтарды Газадан көшіру туралы бастамасын айыптады, деп хабарлайды Orda.kz. 

Еске салайық, Трамп Израиль премьер-министрі Биньямин Нетаньяхуге өзінің командасымен Газа тұрғындарын Иорданияға, Египетке көшіру туралы мәселені  қарастырып жатқанын айтты. Сонымен қатар Дональд Трамп Газа секторын қару-жарақтан тазартып, оны қалпына келтіретінін мәлімдеді. Ол жаңа тұрғын үй нысандарын салып, жұмыс орындарын ашуды көздеп отыр.

Сауд Арабиясының СІМ тәуелсіз Палестина мемлекеті құрылғанға дейін бұл бастама жүзеге аспайтынына сенімді. Олар палестиналықтардың құқықтарын бұзатын кез-келген әрекетті, соның ішінде күштеп қоныс аударуды айыптап отыр. 

Сауд Арабиясының билігі Палестина мәселесіне үнемі баса назар аударатынын және аймақтағы демографиялық жағдайды өзгертетін бастамаларға уақытша қарсы екенін мәлімдеді.