Газа секторының тұрғындары әуеден гуманитарлық көмек ала бастады

Өңірде БҰҰ мәліметі бойынша, кем дегенде 576 мың адам аштық алдында тұр, деп хабарлайды Orda.kz.

Әскери ұшақтардың парашютпен азық-түлік түсіріп жатқаны туралы видео бір күн бұрын жарияланған болатын. Үш американдық С-130 ұшағы БҰҰ-ның мәліметінше, кем дегенде 576 000 адам аштыққа ұшыраған аймаққа 38 000-нан астам адамға арналған тамақ жеткізді.

Азық-түлікті осылай жеткізу туралы шешім ішінара өткен бейсенбіде Газада азық-түлік үлестіру кезінде 110 палестиналықтардың қаза табуына байланысты қабылданды.

Көптеген гуманитарлық ұйымдар бұл жеткізу әдісін сынға алғанымен. Олардың пікірінше азық-түлікті дәліздер арқылы жеткізу керек, себебі  олардың саны қазіргіден көбірек болуы керек, жазады Би-би-си.