Гарвард студенті Алматы қаласында қайтыс болды

Алматыда Гарвард университетінің студенті Ақназар Қажымұраттың денесі табылды. Ақпартты полиция департаменті таратты.

Алматы қаласындағы физика-математика бағытындағы Назарбаев зияткерлік мектебінің түлегі, жас данышпан Ақназар Қажымұрат 2018 жылы Гарвард университетіне оқуға түскен.

Жігіттің ата-анасы оның жоғалып кеткенін хабарлады.

«Қажымұрат Ақназар Арманұлы 14.08.2001 ж. т. 3 қараша 2021 жылы Алматыда кездесуге барған. Соңғы рет әжесімен телефон арқылы 3 қарашада сағат 20:27 - де сөйлескен» делінген хабарламада.

Студен академилық демалысында Алматы қаласына келген.

Алматы полиция департаменті іздестіру ісі аясында топ құрылғанын хабарлады.

«Қылмыстық полиция бөлімінің қызметкерлері жас жігіттің мәйітін бүгін Бостандық ауданының аумағынан тапты. Зорлық-зомбылық белгілері табылған жоқ. Өлімнің себебін анықтау үшін сот-медициналық сараптама тағайындалды. Мән-жайлар анықталуда» деп атап өтті полицияда.

Қазақстандық вундеркинд математика және физика пәндері бойынша ең танымал олимпиадаларда жеңімпаз болған. Ақназар ACT және SAT Subject Tests халықаралық емтихандарында 36 - дан 36-ға және 2400-ден 2400-ге дейін ең жоғары балл жинаған. Гарвард университетінің сайтына сәйкес, оқуға түсушілердің төрттен бір бөлігі ACT бойынша 33 балл, қалған 75 пайызы 35 балл жинады.