«Gangnam Style» әнінің авторы психотроптық дәріні заңсыз пайдаланды деген күдікке ілінді

Оңтүстік Кореялық әнші әрі продюсер, «Gangnam Style» әнінің авторы Psy медициналық заңнаманы бұзды деген күдікке ілінді. Ол дәрігердің жеке қабылдауына бармай,  делдалдар арқылы психотроптық дәрі-дәрмек пайдаланған көрінеді, деп хабарлайды Orda.kz. 

Сеул полициясы психотроптық дәрі-дәрмектерді заңсыз берді деген күдікке ілінген университет клиникасының дәрігері мен әнші Psy-дың ісін зерттеп жатыр. Оңтүстік Кореядағы Xanax және Stilnox таблеткалары тәуелділік туғызуы мүмкін болған соң қатаң түрде тек дәрігердің нұсқауы бойынша ғана беріледі және науқас міндетті түрде дәрігерге келіп қаралуы керек. 

Тергеу мәліметі бойынша, өнер иесі 2022 жылдан бастап делдалдар арқылы дәрігердің жеке қабылдауынсыз психотроптық дәрі-дәрмектер алып отырған. Құқық қорғау органдары әншіні тексеру үшін аурухананы тінтіп, медициналық жазбаларды тәркіледі.

Дәрігер әншімен байланыста болып, оны қашықтан емдеуге тырысқанын айтты. Бірақ P nation таблеткаларын үшінші тарап қабылдағанын мойындады. Алайда дәрігер заңсыз нұсқауларды жоққа шығарды.

Айта кетейік, бүгін, 28 тамыз күні таңертең ҚМА Қазақстанда ойынханаларды жарнамалаған блогерлердің аттары жарияланды.