Ғалымдар Атырауда су тасқынының шыңы мамырдың басында болады деп болжап отыр

Ғалымдар қазіргі су тасқыны болжамдарының бұрынғысынан айтарлықтай ерекшеленетінін атап өтті. Бұл Ресейден келетін судың айтарлықтай артуына байланысты.

Облыстық жедел штабтағы зерттеуші ғалымдардан құралған жұмыс тобының өкілдері Батыс Қазақстан облысы аумағынан келетін судың көптігі Атырау қаласындағы Жайық өзенінің су деңгейінің ерте көтерілуіне әкелуі мүмкін екенін ескертті. 

«Алдыңғы мәліметтерді басшылыққа алатын болсақ, судың негізгі бөлігі әдетте мамыр айының ортасында Атырау облысына келген. Алайда биылғы жылы Ресейден келетін судың көптігінен туындаған көктемгі су тасқыны кестесінің өзгеруі жағдайдың өзгеруіне әкелді. Батыс Қазақстан облысынан келетін су Атырауға алты-жеті күнде жетеді. Біздің болжамымыз бойынша 2-3 мамырда Жайық өзенінің арнасы толады деп күтеміз», - деді ғалым Арман Жұмағазиев өз болжамдарымен бөлісіп. 

24 сәуірдегі мәлімет бойынша, Атырау өлшеу стансасындағы Жайық өзеніндегі су деңгейі 422 сантиметрге жетті. Қауіпті деңгей – 550 сантиметр.

Бүгінгі таңда қаладағы өзен жағасында ұзындығы 229,6 шақырымдық  бөгет салынды.