Ғаламтор арқылы алаяқтық іспен айналысатындардан 1 млрд теңгеге жуық ақша қайтарылды

Бұл туралы ІІМ орынбасары – Айдос Рысбаев растады, деп хабарлайды Orda.kz порталы.

«Биыл Қазақстанда 3645 интернет-алаяқтық дерегі тіркелді. Бұл жалпы қылмыстың - 18 пайызы және барлық алаяқтық дерегінің 43 пайызы. Өңірлерде "Киберпол" мамандандырылған топтары жұмыс істейді. 2023 жылы олар 3,7 мыңнан аса қылмысты ашылды. Қазақстандықтарға 850 миллион теңге қайтарылды», - деді Айдос Рысбаев мәжілісте.

Министрдің мәліметінше 2000-ға жуық алаяқ жауапқа тартылды.

«1891 адам ұсталып, қылмыстық жауапкершілікке тартылды. Оның ішінде 460 адам 2 және одан да көп адамды алдаған. Биыл интернет желісін мониторингтеу барысында Мәдениет және ақпарат министрлігіне бұғаттау үшін 6,1 мың интернет-ресурсқа қатысты ақпарат жіберілді. Оның ішінде алаяқтық белгісі бар 3 мың сайт, есірткі қылмысы бойынша 529 сайт, экстремистік сипаттағы 1,6 мың сайт бар», - деді ол.

ІІМ өкілі ғаламтор арқылы жасалатын алаяқтық шетелде жасалғандықтан, анықтау қиынға соғатынын жеткізді.

«Мысалы, 2023 жылдың соңында Астанада алаяқтар жұмыс істеген 4 сall-орталық анықталды. Олардың қызметкерлері тек шетелдік нөмірлерден қоңырау шалған. Сондай-ақ интернет алаяқтық шетелден жасалады. Салдарынан қазақстандықтар зардап шегеді. Мысалы, Украинада Қазақстан азаматтарын алдаған ірі сall-орталығының мүшелері ұсталды. Мұндай қылмыстар трансшекаралық сипатқа ие болғандықтан оларды тергеу өте қиын», - деді Айдос Рысбаев.