G7 елдері ғарышта спутникке қарсы зымырандарды сынамауға уәде берді

G7 елдері ғарышта спутникке қарсы зымырандарды сынамауға уәде беріп, ғарыштық қоқыс мәселесін шешуге шақырды.

«Үлкен жетілік» елдерінің басшылары Хиросимадағы саммитте тікелей нысананы ұстап тұратын жерсерікке қарсы зымырандарды сынамауға уәде берді.

«Біз тікелей орбитаға спутникті ұстап алатын зымырандардың жойқын сынақтарын жасамауға міндеттенеміз және біз басқаларды Жерге жақын кеңістіктің қауіпсіздігін, тұрақтылығын және ұтымды пайдалануын қамтамасыз ету үшін осы үлгіні ұстануға шақырамыз», - делінген  Жапония Сыртқы істер министрлігі таратқан хабарламада.

«Үлкен жетілік» ғарыштық қоқыс мәселесін шешу қажеттігін айтып, БҰҰ-ның Ғарыш кеңістігін бейбіт мақсатта пайдалану жөніндегі комитеті бекіткен халықаралық нормаларды тезірек іске асыруға шақырды.