G7: Біз Ресей әскери агрессия арқылы өзгертуге тырысқан шекараларды ешқашан мойындамаймыз

G7 елдерінің сыртқы істер министрлері Украина мен Ресей шекарасындағы олар мойындағысы келмейтін  өзгерістер туралы айтты.

 «Біз Ресейдің әскери агрессия арқылы өзгертуге тырысқан шекараларды ешқашан мойындамаймыз және Украинаның, соның ішінде Қырым мен барлық аймақтардың егемендігі мен аумақтық тұтастығын қолдау жөніндегі міндеттемемізді сақтаймыз» делінген Германиядағы үш күндік келіссөздерден кейін G7 сыртқы істер министрлерінің мәлімдемесінде.

Бұған қоса, «Үлкен жетілік» елдері Беларусьті «Ресей агрессиясына жол бермеуге және халықаралық міндеттемелерін орындауға» және  Қытайды «Ресейге агрессивті соғыста көмектеспеуге» шақырды.

«Үлкен жетілік» «Ресейге экономикалық және саяси ықпалды жалғастыру» ниетін білдірді.

Кремль G7 министрлерінің мәлімдемесіне әзірге түсініктеме берген жоқ.

Алайда жақында Финляндия президентімен телефон арқылы сөйлескен Путин «Финляндияның қауіпсіздігіне қауіп төндірмейтіндіктен, дәстүрлі әскери бейтараптық саясатынан бас тарту қателік болады» деп мәлімдеді.

Ресей президенті Финляндияның НАТО-ға кіру туралы өтінішін осылай қабылдады.