Гүлнара Каримованың түрмеден жазған өлеңін қызы Иман жариялады

Өзбекстанның марқұм президентінің үлкен қызы Гүлнара Каримова түрмеде жазған өлеңдерін қызына жіберді. Бұл туралы оның қызы Иман Каримова өзінің Instagram парағында жариялады.

Иманның айтуынша, ол абақтыдан босатылған тұтқындар арқылы анасынан хабарлама алған.

— Жақында КИН-21абақтысынан босатылған өте батыл әйелдердің арқасында біз анамыз туралы, оның денсаулығы туралы ақпарат алып, осы өлең қолымызға тиді. Өкінішке қарай, онымен біздің байланысымыз жоқ: біз жазбан  хаттар жіберілмейді, адвокаттардың да  кіруіне тыйым салынған, тіпті телефон арқылы да сөйлесе алмаймыз. Бұл өлең анамның сезімі мен көңіл күйін бейнелейді. Тіпті түрмедегі адамдардың  не болып жатқанын елестетіп, бастарындағы жағдайларын ойлаудың өзі  өте қорқынышты. Әсіресе,  заң үстемдігі жоқ Өзбекстанда, деп жазды Иман.

Өзбекстанның экс-президенті  Ислам Каримовтың үлкен қызы жазасын Ташкент маңындағы №21 Зангиата әйелдер колониясында өтеп жатыр. Ол қомақты қаржыны заңсыз жымқыру, салық төлеуден жалтару, бопсалау және заңсыз ақшаны пайдалану бойынш кінәлі деп танылған.

Бұған дейін Өзбекстан Жоғарғы соты Гүлнара Каримова ұйымдасқан қылмыстық топ құрғаны, бопсалау және алаяқтық жасағаны үшін 13 жыл 4 айға бас бостандығынан айрылды деп хабарлаған болатын.