Гүлмира Сатыбалды ісі бойынша жаңа мәліметтер пайда болды
Шымкент қалалық жолаушылар көлігі және автомобиль жолдары басқармасы басшысының орынбасары Мадияр Бәйімбетов брифингте сыбайлас жемқорлыққа қарсы қызмет өзі мен департамент басшысы Ержан Жолдасовқа қатысты 747 млн теңгені жымқыру фактісі бойынша тексеріп жатқанын растады.
Бұл іске Қайрат Сатыбалдының бұрынғы әйелі Гүлмира Сатыбалдының да қатысы бар.
Шымкенттегі атқарылмаған жұмыстар үшін бюджеттен төленген миллиондаған қаржыны жымқыру ісі тың мән-жайға ие болуда.
Күні кеше Шымкент қаласындағы бас көлік басқармасының орынбасары Мадияр Бәйімбетов мәлімдеме жасады. Ол бұл іс бойынша бастықпен байланыста екенін растады.
«Шымкент қалалық жолаушылар көлігі және автомобиль жолдары басқармасының басшысы мен оның орынбасары және мен Антикордың сотқа дейінгі тергеуіндеміз. Іспен әлі танысқан жоқпыз, жауапқа шақырған жоқ» деді Мадияр Бәйімбетов.
Еске салсақ, Антикор Қайрат Сатыбалдының бұрынғы әйелі шымкенттік шенеуніктермен бірлесіп, Шымкентте нақты орындалмаған құрылыс-монтаж жұмыстарына төленген 747 млн теңгені жымқырды деген күдікке ілінгені хабарланды.
Бұдан бұрын да Сыбайлас жемқорлыққа қарсы қызмет Қайрат Сатыбалдыұлына, оның бұрынғы әйелі Гүлмира Сатыбалдыға және басқа да тұлғаларға рейдерлік жолмен бизнесті басып алу фактісі бойынша сотқа дейінгі тергеу бастаған болатын.
Гүлмира Сатыбалды ағымдағы жылдың 16 наурызында ұсталып, елорданың уақытша ұстау изоляторына қамалды.
Осыдан бірнеше күн бұрын, 13 наурызда Антикордың қызметтік өкілеттіктерін асыра пайдалану және аса ірі көлемде «Қазақтелеком» АҚ қаржысын жымқыру фактілері бойынша қылмыстық істі тергеп жатқаны белгілі болды. Осы қылмыстарды жасады деген күдікпен Қайрат Сатыбалдыұлы ұсталып, уақытша ұстау изоляторына қамалды. Оның мемлекет қауіпсіздігіне нұқсан келтіретін басқа да қылмыстарға қатыстылығы да тексерілуде.
Ұсталған Қайрат Сатыбалдыұлы Дубайға ұшпақ болған. Ол Алматы әуежайы аумағында ұсталды.
Жаңалықтар
- Бозымбаев су тасқыны салдарынан келтірілген шығынды өтеу алгоритмін әзірлеуге екі күн уақыт берді
- Петропавлда су тасқынынан зардап шеккендерге төленетін өтемақы екі есеге қысқартылды
- Еуроодақ су тасқыннан зардап шеккен қазақстандықтарға 200 мың еуро бөледі
- Су тасқынынан зардап шеккендерге мемлекеттік қолдау ретінде 3,2 млрд теңге бөлінді
- Министрлер кабинеті үш жаңа вице-министрді тағайындады
- Украинадағы «Мызғымас киіз үйде» су тасқынынан зардап шеккен қазақ халқын қолдау мақсатында флешмоб өтті
- Қазақстан Қашағандағы шетелдік инвесторлардан 150 миллиард доллар талап етті
- Төтенше жағдайлар министрлігінің басшысы БҚО-ға тексеруге келді
- Тоқаев судьялар мен сот алқалары төрағаларын тағайындады
- Президент вейп туралы заңға қол қойды
- Қазақстанның барлық әуежайларында жолаушылар бет-әлпет биометриясынан өтеді
- Ақтауда жаз бойы ыстық су өшіріледі
- Қазгидромет өрт маусымының басталатынын ескертті
- Бишімбаев ісін тергеуге ҚМДБ қосылды
- Су тасқыны кезінде суға кеткен көліктерге өтемақы төленеді
- Алматы көшелерінің бірінде екі айға көлік қозғалысы шектеледі
- Ақтауда бесінші қабаттан құлап кеткен қыз аман қалды
- Қазақстандағы орташа зейнетақы мөлшері аталды
- Қонаев қаласына жаңа әкім тағайындалды
- «Төртінші әйелі екенмін»: Мөлдір Әуелбекова жеке өмірі туралы шындықты айтты