Гүлмира Сатыбалдының ұрланған ақшасы қайда жұмсалғаны белгілі болды

Шымкент қаласының шенеуніктері мен Қайрат Сатыбалдының бұрынғы әйелі Гүлмира Сатыбалды ұрлады деген күдікке ілінген 747 млн теңге Ұлттық қор бюджетінен алынды.

PROTENGE telegram арнасының хабарлауынша, басылым авторлары шымкенттік келісім-шартты зерттеп, тергеуге себеп болғанын және бірқатар жайттарды анықтағанын алға тартты.

Еске салсақ, 30 наурызда Антикор Гүлмира Сатыбалды «Шымкент қаласының жолаушылар көлігі және автомобиль жолдары басқармасы» ММ және «Ария-Жаңа Астана» ЖШС лауазымды тұлғаларымен бірлесіп, аса ірі көлемде бюджет қаражатын жымқырды деген күдікке ілінгені хабарланған болатын. 2021 жылы іс жүзінде аяқталмаған құрылыс-монтаж жұмыстары үшін 747 млн теңге төленген.

Мақалада мемлекеттік сатып алу порталында іс бойынша жауапкерлерді байланыстырып, 10,2 млрд теңгеге бір ғана келісімшарт бар екені айтылды. Оған 2018 жылы қол қойылған.

Гүлмира Сатыбалды «Ариа-Жаңа Астана» ЖШС-мен байланысты. Белгілі болғандай, серіктестік жоспар бойынша Шымкент қаласындағы Қонаев көшесін жалғастырып, Түркістан облысындағы Бадам өзені арқылы өтетін жолды салуды өз мойнына алған.

Порталдың хабарлауынша, компания мен Басқарма арасындағы келісім 2018 жылы жасалған, бірақ ақшаның бірінші траншын тек 2020 жылы төлеген. Мердігер 200 млн теңгеге жуық қаражат алғаны хабарланды.

Сатыбалды мен шымкенттік шенеуніктердің ұрлады деген күдікке ілінген 747 млн теңгесі елдің Ұлттық қорынан мақсатты трансферт арқылы алынып, өткен жылдың 27 желтоқсанында «Ария-Жаңа Астана» мекемесіне аударылған.

17 наурызда Гүлмира Сатыбалды бизнесті басып алды деген күдікпен ұсталып, уақытша ұстау изоляторына қамалды.

13 наурызда Антикор оның бұрынғы күйеуі, олигарх және Нұрсұлтан Назарбаевтың немере інісі Қайрат Сатыбалдының ұсталғаны туралы хабарлады. Департамент «Қазақтелеком» АҚ-ның лауазымдық өкілеттіктерін асыра пайдалану және аса ірі көлемдегі қаражатты жымқыру фактілері бойынша істі тергеп жатыр.