Гүлдананың өлімі: экс-күйеуі 18 жылға, оның досы үш жылға сотталды

Денесі Шу өзенінің бойынан табылған Гүлдана Санақбайды өліміне күдікті деп танылған экс-күйеуі Берік Қалқан 18 жыл бас бостандығынан айрылды. Қылмыс болған кезде көлікті басқарған күдіктінің досы да бүгін сот залынан абақтыға кетті. Ол сот залынан қамауға алынып, үш жылға сотталды.

Сонымен қатар, сот Берік Қалқан мен жолдасына қайтыс болған Гүлдана Санақбайдың анасына 10 миллион теңге өтемақы төлеуді міндеттеді. Берік Қалқан 8 миллион теңгесін екінші айыпталушы 2 миллион теңгесін өтеуі керек.

Не болды?

2021 жылдың 11 ақпан күні Гүлдана Алматы қаласына емделуге жолға шығып, сол бойы хабарсыз кеткен. Жамбыл облысы, Шу ауданының тұрғыны Гүлдана Санақбайдың жоғалып кетуі елді дүрліктіріп, оны іздеуге әйелдің туыстары, полицейлер мен еріктілер қосылды. Соңында әйелдің мәйітін Шу өзенінің бойынан тапқан. Оның өліміне кінәлі делінген екі күдікті сол сәтте-ақ ұсталған. Күдікті ретінде күйеуі Берік Қалқан мен қылмысқа қатысы бар автокөлік жүргізушісі қамауға алынды.

Исламбек Дастан, Жамбыл облысы