Гүл сыйлаймын деп, ажал құшты: Ақмолада ер адам опат болды

Жабай өзенінде Ақмола тұрғыны сүйіктісіне лалагүл жұлып беремін деп суға батып кетті.

Бұл туралы Orda.kz хабарлады.

Анықталғандай, 52 жастағы ер адам азаматтық некедегі әйелімен бірге балық аулауға барған. Ол Жабай өзенінде өсіп тұрған лалагүлдерді алмақшы болған.

– Ер адам суға түсіп, өзен гүлдерін терген. Жағаға қайтып бара жатып суға батып кеткен. Тұрғынды іздеу үшін Көкшетау қаласынан Ақмола облысы төтенше жағдайлар қызметінің жедел құтқару жасағының құтқарушылары шақырылды. Ер адамның денесі табылды, - деп хабарлады облыстың төтенше жағдайлар департаментінің баспасөз қызметі.

ТЖД аталған жер суға шомылуға арналмаған дейді.