Футболдан Қазақстан құрамасы алғашқы жеңісіне қол жеткізді

2022 жылғы алғашқы ойындардың бірінде футболдан Қазақстан құрамасы жеңіске жетті.

Хабар 24 арнасының хабарлауынша, Талғат Байсуфин жаттықтыратын құрамаға қарсы Андрей Карпович басқаратын Қазақстан премьер лигасындағы легионерлер құрамасы кездесу өткізген.

Түркияда өткен ойында Қазақстан құрамасы 2:1 есебімен жеңіске жетті. 

Ұлттық құрама алғашқы таймда бірден екі гол соқты. Бірінші голды ойынның бесінші минутында Асхат Тағыберген соқса, екінші голды жиырма бірінші минутында Оралхан Өміртаев салды.

Легионерлер алғашқы голын тек екінші таймның алпысыншы минутында Кирилл Сидоренконың көмегімен соқты.

Еске салсақ, Қазақстан құрамасы Ұлттар лигасына өту үшін 24 наурызда Молдоваға қарсы шығады. Жеңімпаз команда С тобындағы орнын сақтап қалады, ал жеңілген құрама бір саты төмен деңгейде ойнайды.