Футболдан Қазақстан ұлттық құрамасында коронавирус анықталды

Футболдан Қазақстан ұлттық құрамасы штабынан бірнеше адамның коронавирус жұқтырғаны анықталды. Бұл туралы журналист және инсайдер Айдын Қожахмет өзінің Telegram каналында хабарлады. Оның айтуынша, кейбір ойыншылар коронавируспен ауырған науқаспен байланыста болған, деп Vesti.kz-ке сілтеме жасап Orda.kz. хабарлайды

– Біздің футболда тағы бір төтенше жағдай. Қазақстан құрамасының штаб-пәтерінен бірнеше адам коронавирус жұқтырды. Атап айтқанда, жаттықтырушы Сергей Калюбин (кеше орындықта болмады) және команда әкімшісі Максим Шауберт.

Енді кім оқшауланып, кім Киевке баратыны белгісіз. Іс жүзінде олармен жаттықтырушылар штабының басқа мүшелері, әкімшілік құрамы, тіпті ойыншылар да байланыста болған, - деп жазды Қожахмет.

Бір күн бұрын «Астана Аренада» Қазақстан құрамасы әлем чемпионатына іріктеуді бастады. Франциядан 0:2 есебімен жеңіліп қалды. Команда Украинамен матчты 31 наурыздан 1 сәуірге қараған түні Киевте Нұр-Сұлтан уақытымен 00:45-те өткізуі керек.