«Фридом Финанс» топ-менеджерлеріне алаяқтық фактісі бойынша қылмыстық іс қозғалды

Алаяқтық фактісі бойынша «Фридом Финанс» АҚ топ-менеджерлеріне қылмыстық іс қозғалды, деп хабарлайды Orda.kz.

«Қазақстан Республикасы Қаржы мониторингі агенттігі (АФМ) Световойға қатысты алаяқтық фактісі бойынша сотқа дейінгі тергеу тіркелгенін растады»,  деп хабарлады Қаржы мониторингі агенттігі ҚазТАГ редакциясының сұрауына жауап бере отырып.

ҚазТАГ агенттігінің мәліметі бойынша, 2024 жылдың тамызында «Фридом Финанс» АҚ-да атқарушы директор лауазымын атқарған В. Световойға қатысты ішкі қызметтік тексеру басталған. Ақпаратқа қарағанда, тексеру нәтижелері бойынша Световой өз лауазымы мен клиенттерінің сенімін асыра пайдаланғаны, ұйым клиенттерімен жеке мүліктік қатынастарға түскені, ақшаны компанияның шотына емес, оны неғұрлым тиімді инвестициялау үшін жеке өзіне аударуды ұсынғаны анықталды.

Ақпаратқа сәйкес, осылайша алынған ақша қаражаты инвестиция үшін емес, Световойдың жеке мұқтаждарына, оның ішінде оның қарыздарын өтеуге жұмсалған. Мәлімет бойынша бұл әрекеттерді басшылықтың рұқсатынсыз жеке өзі жасағаны аталды. Ақпаратта айтылғандай, тексеру негізінде 2024 жылғы тамызда Световой беделін түсіретін мән-жайлары үшін жұмыстан босатылған. 

Ақпараттық агенттіктің мәліметі бойынша, тергеу материалдары ықтимал қылмыстық қудалау үшін құқық қорғау органдарына берілген.

ҚазТАГ редакциясы 17 наурызда «Фридом Финанс» баспасөз қызметіне осы факт бойынша түсініктеме алу үшін жүгінген, бірақ әлі күнге дейін сауалға жауап берілмеген.

Есесіне редакцияның сауалына 26 наурызда қаржы нарығын реттеу және дамыту агенттігі жауап беріп, топ-менеджер тарапынан жасалған алаяқтыққа қатысты салымшылардың шағымдары негізінде «Фридом Финанс» компаниясына қатысты тексеру басталғанын хабарлады.

«Фридом Финанс» Freedom Holding Corp құрамына кіреді, оның негізгі акционері ресейлік бизнесмен Тимур Турлов. Айта кетейік, аталған компания тарапынан өткір мәселелер бойынша сұрақтарды елемеу тұрақты сипатқа ие.