Францияда бір жылда үшінші премьер-министр тағайындалды

Францияның жаңа премьер-министрі тағайындалды, деп хабарлайды Orda.kz. 

Президент Эмманюэль Макрон Франция үкіметі құлағаннан кейін 73 жастағы центристік «Демократиялық қозғалыс» партиясының жетекшісі Франсуа Байруды елдің премьер-министрі қызметіне тағайындады. Жаңа премьер-министр президенттің серіктесі. Франсуа Байру – саясаткер әрі көптеген тарихи кітаптың авторы. 

Жаңа премьердің алғашқы міндеті – Ұлттық жиналыста 2025 жылға арналған бюджетті мақұлдату. Дәл осы құжат бойынша келіспеушіліктер бұған дейін бұрынғы премьер-министр Мишель Барниердің жұмыстан кетуіне себеп болған.