Франция: студенттер карантинге қарсы шеру өткізді

Париж бен тағы бірнеше қалаларда студенттер шектеу шараларына қарсы шеру өткізді. Олар сабақты тезірек бастауды талап етті. Бұл туралы Хабар24 хабарлады.

Шеруге шығушылардың айтуынша, олар онлайн оқу кезінде психологиялық, қаржылық және интеллектуалды шығынға батқан.

Мелини Люсе, UNEF студенттер одағының президенті:

«Карантин басталғалы жұмысқа шыға алмай қалдық. Бұрын еңбек етіп, нәпақамызды өзіміз табатын едік. Енді Үкімет айына мардымсыз ғана 12 доллар беріп, бізді кіріптар етіп қойды. Билік оқу процесін қазіргі медициналық жағдайға бейімдеп, тығырықтан шығу жолын тапсын», - дейді.