Forbes журналы әлемдегі ең ықпалды 100 әйелді атады

Америкалық Forbes қаржы-экономикалық журналы әлемдегі ең ықпалды 100 әйелдің рейтингін жариялады.

Германия канцлері қызметінен кеткеннен кейін тізімнен шығарылды. Қазір бірінші орында Маккензи Скотт - Amazon негізін қалаушы Джефф Безостың бұрынғы әйелі, сонымен қатар филантроп, жазушы және әлемдегі ең бай үшінші әйел. 2020 жылы ол 500 қоғамдық ұйымға 5,8 миллиард доллар беретінін мәлімдеді. 2021 жылдың маусымында Скотт 286 ұйымға қосымша 2,74 миллиард доллар бергенін айтты.

Рейтингтегі екінші орынды АҚШ вице-президенті Камала Харрис иеленді.

Үшінші орында Еуропа орталық банкінің төрайымы Кристин Лагард. Ол осы лауазым мен 2011-2019 жылдары Халықаралық валюта қорының басшысы қызметін атқарған алғашқы әйел болды.

General Motors компаниясының бас директоры және осы лауазымдағы алғашқы әйел Мэри Барра рейтингте төртінші орында. 2020 жылдың көктемінде ол Ventec Life Systems-ке аса маңызды желдеткіштерді шығаруға көмектесу үшін GM өнім желілерін өзгертті.

Америкалық кәсіпкер және филантроп, қайырымдылық қорының негізін қалаушы Мелинда Гейтс, Билл Гейтстің бұрынғы әйелі – рейтингте бесінші орында тұр.

Ұлыбритания патшайымы Елизавета II рейтингте 70-орында тұрақтаған. Толық тізімді мына жерден көре аласыздар.