FlyArystan ұшағы шұғыл түрде Алматыға қонды

Нұр-Сұлтаннан Шымкентке ұшқан FlyArystan ұшағы шұғыл түрде Алматыға қонды, деп хабарлады ORDA Almaty.tv сайтына сілтеме жасап.

Әуекомпанияның баспасөз қызметі хабарлағандай, қону ауа-райына байланысты болған.

«2021 жылы 19 ақпанда сағат 08.55-те 7325 бортында Нұр-Сұлтан - Шымкент бағытындағы ұшақ ауа-райына байланысты Алматы халықаралық әуежайына қонды. Шымкентке ұшу 10.45-ке ауыстырылды», - деп хабарлады баспасөз қызметі.

Әуе компаниясы ұшақтың қауіпсіз жерге қонғанын айтты. Жолаушылардың ешқайсысы зардап шекпеді. Алайда жолаушылардың айтуынша, ұшақ Алматы аспанын айналып жүріп, тек үшінші әрекеттен кейін ғана қона алған.