Фитнес-жаттықтырушысын зорлау: аппеляциялық сот кейінге қалды

Ақтаудағы фитнес-жаттықтырушысы Алина Жолжанды зорлаған 5 еркекке қатысты аппеляциялық сот адвокаттың келмеуіне байланысты кейінге шегерілді, деп хабарлайды Orda.kz.

Алинаның жақындары айыптыларға қатаң жаза тағайындалғанын қалайды. Айта кетсек, 2024 жылдың маусым айында спортшы 9-қабаттан секіріп, өз-өзіне қол жұмсаған болатын. Сол кезде оны жанында құрбысы Әсел болған. Оның айтуынша, онымен сөйлескен кезде көңіл күйі жақсы еді.

«Ол ағасымен телефон арқылы сөйлесті. Көңіл күйі бірқалыпты болатын. Біз екеуіміз жаттығу туралы әңгіме өрбіттік. Кейін ол ас үйге барды да, қайтып келді. Сол кезде ол бір түрлі болып келді. Ол маған жаңа ғана осы іс туралы ағасына айтқанын айтты, ал мен асықпай-ақ қою керектігін айттым. Оған дейін біз ағасына барлық мәліметті ашық айтпағанбыз. Бір кезде ол маған өзінің телефонын берді, мен есікті құлыптап жатқанымды, ол терезеден секіріп кетті», – деді Әсел. 

Құрбысының айтуынша, ол қоғамның пікірінен қорыққан. Бірақ бәрінен бұрын ол ата-анасы мен бауырларының алдында ұятқа қалғанын айтқан.

Естеріңізге сала кетейік, 2024 жылдың мамыр айында Ақтаудың бес азаматы жұмыстан үйіне қайтып бара жатқан Алина Жолжанды көшеде ұрлап кеткен. Оны ұрып-соғып, таңға дейін қалада әрі-бері тасыған. Сараптама көрсеткендей, қыз азапталып, зорланған. Таңертең Алинаны босатқан, бірақ бұған дейін олар оған мәжбүрлеп онлайн несие алдырып, сол ақшаны алып кеткен.

• Бірінші сатыдағы сот әр түрлі мерзімге үкім шығарды. Істің бас фигуранты Нұргелді Сейітқалиев сегіз эпизод бойынша 20 жыл колонияға кесілді:
• есірткі заттарымен заңсыз жұмыс істеу;
• адам ұрлау;
• заңсыз бас бостандығынан айыру;
• есірткі заттарын тұтынуға бейімділік;
• жыныстық сипаттағы зорлық-зомбылық;
• зорлау;
• бопсалау;
• өз-өзіне қол жұмсауға итермелеу;

Онымен бірге болған Мерей Аралбай, Жалғас Үсенғалиев және Дархан Құлбас есірткі заттарын ұрлағаны және заңсыз қолданғаны үшін жеті жылдан сегіз жылға дейін уақыт алды. Еркебұлан Аманқос заңсыз бас бостандығынан айыру және бопсалау үшін жеті жылға сотталды.

Маңғыстау облысының прокуратурасы үкімге наразылық білдірді. Ол Нұргелді Сейітқалиевқа өмір бойына бас бостандығынан айыруды және оның сыбайластарына бас бостандығынан айыру мерзімін 15-16 жылға дейін ұзартуды талап етеді.