Fitch Ratings: Қаңтар оқиғалары Қазақстан экономикасына қатты әсер еткен жоқ

Халықаралық рейтингтік агенттік Қазақстанның тәуелсіз несие рейтингін «Тұрақты» болжамымен ВВВ деңгейінде растады.

Қазақстанның рейтингі қаңтар оқиғасынан кейін де Fitch Ratings халықаралық рейтинг агенттігінің көрсеткіштері бойынша айтарлықтай тұрақты болып шықты. Бұл елде коронавирустық пандемия кезінде байқалған күшті фискалдық және сыртқы теңгерімдердің сақталуына байланысты. Агенттіктің қысқаша сараптамалық жазбасын Премьер-Министрдің сайты келтірді.

 «Агенттік сарапшылары Қазақстанның мемлекеттік қарызы төмен деңгейде қалғанын, ал таза тәуелсіз активтер әлдеқайда жоғары екенін атап өтті. Оның үстіне Fitch болжамы бойынша Қазақстан орта мерзімді перспективада таза кредитор болып қала береді. Сарапшылардың болжамы бойынша, айырбас бағамының тұрақтылығы, кірістіліктің артуы, БЖЗҚ-дан жинақ ақшаны алудың азаюы инфляцияны төмендетуге ықпал етеді. Сонымен қатар, Fitch өз есебінде реттеу мен қадағалауды жетілдіру бойынша қабылданған шаралардың арқасында соңғы жылдары банк секторының көрсеткіштерінің жақсарғанын атап өтті» делінген хабарламада.

Агенттік сарапшылары сондай-ақ NPL деңгейінің төмендеуін, банктердің өтімділігі мен табыстылығының жоғарылығын атап өтті. Олар қаңтар оқиғасы ел экономикасына ерекше әсер еткен жоқ дейді.  Дегенмен, алдағы уақытта, ескертуде атап өтілгендей, банк секторының көрсеткіштері тұрақты болып қалады. Ал алдағы екі жылда тіпті экономиканың өсуін байқауға болады. Ауыл шаруашылығы саласының өсуі мен ірі инвестициялық жобаларды жүзеге асырудың арқасында экономика 4 пайызға жетеді деп күтілуде.