Финляндия Ресей шекарасына әскери техникасын жөнелтті

Финляндияның қорғаныс министрлігі кенеттен ауыр қару-жарақтарын Ресей шекарасына қарай тасымалдауды бастады.

Финляндия-Ресей шекарасы бағытында қазірдің өзінде екі пойыз жөнелтілді.

Ұсынылған бейнекадрларда ауыр және жеңіл броньды көліктердің Ресей шекарасына қарай тасымалдау сәтін көруге болады.

Финляндия-Ресей шекарасына Leopard 2A6 танктері, жаяу әскерлердің жауынгерлік машиналары, бронетранспортерлер мен шынжыр табанды тракторлар жөнелтілді.

Көрсетілген броньды көліктердің қанша бөлігі Финляндиянікі екеніне сүйене отырып, олар броньды күштерінің жартысына жуығын Ресей шекарасына жібергенін байқауға болады.

Қазіргі уақытта Ресей шекарасына ауыр техниканы жөнелту себептеріне қатысты Финляндиядан ресми мәлімдемелер жоқ.

Сәуір айында Финляндияның бұрынғы сыртқы істер министрі, қазір ел парламентінің сыртқы істер комитеті төрағасының орынбасары Эркки Туомиойа Финляндия биылғы көктемде НАТО-ға мүшелікке өтініш беруге дайындалып жатқанын айтты.

Финдік Iltalehti газеті үкіметтегі анонимді дереккөздерге сілтеме жасап, Финляндияның 12 мамырда НАТО-ға мүшелікке өтініш беру туралы шешім қабылдайтыны туралы ақпарат жариялады.

Бұған дейін Финляндия парламенті елдің НАТО-ға кіруін қолдаған болатын. Шешімді 121 депутат мақұлдап, 12 депутат қарсы шықты.

Финляндия қорғаныс министрлігі, қорғаныс саясаты департаментінің басшысы Янне Куусела Финляндия НАТО-ға мүше болса, Балтық жағалауы елдеріне әскер жіберетінін айтты.