Феминистік қозғалыстың басшысын полиция департаменті алып кетті

Feminita ұйымының басшысы Жанар Секербаеваны полиция департаменті алып кетті, не үшін екені әлі де белгісіз, деп хабарлайды Orda.kz.

«Иә, оны келді де алып кетті. Бізге мардымды жауап бермеді. Қазір ол учаскеде отыр. Оған да не үшін ұстап әкеткені туралы түсіндірген жоқ», – деді Гүлзада Сержан.

Айта кетейік, бұндай жағдайдың болуы бірінші рет емес. Бұған дейін белсендіге ҚР ӘҚБтК-нің 489-бабының тоғызыншы бөлігі – «Тіркелмеген қоғамдық бірлестіктердің, сондай-ақ уақытша қызметі тоқтатылған немесе тыйым салынған бірлестіктер қызметіне басшылық жасау» бойынша айып тағылған болатын.

Кейін журналист Әсем Жаипшева өзінің телеграм-арнасында оны 10 күнге қамап тастағанын мәлімдеді.