Феминистерге шеру мен митинг өткізуге рұқсат берілмеді

Алматы әкімдігі 2022 жылдың 8 наурызына жоспарланған әйелдер шеруін өткізуден бас тартты.

Шенеуніктердің айтуынша, рұқсат бермеудің себебі – марш күні таңғы тоғыздан кешкі сегізге дейін Шоқан Уәлиханов атындағы саябақта Медеу ауданының әкімдігі өткізетін «мәдени-бұқаралық және ойын-сауық іс-шаралары» жоспарланған.

«803» феминистік бастамашыл тобы Instagram парақшаларында хабарлағандай, бұған дейін митинг туралы хабарлама мен шеру туралы өтініш бергенге дейін әкімдіктің 8 наурызға арналған жоспарлары туралы ақпарат жарияланған жоқ.

Қыздардың айтуынша, қалалық әкімдік қызметкерлері ұйымдастырушыларды кездесуге шақырған. Онда эпидемиологиялық жағдайға байланысты жоспарларды қайта қарауды және маршты өткізу туралы өтінішін қайтарып алуды ұсынды. Алайда, бастамашыл топ шеруді өткізуге ниетті екенін айтып, өтінішті қабылдамады. Феминисттер 12 желтоқсанға жоспарланған митинг өткізуге, онда әйелдер құқығына байланысты акция туралы хабарлама жіберді.

«Әкімдік өз іс-шаралары үшін көшелер мен гүлзарларды алып кете алмайды. Әкімдіктің иелігінде бүкіл қала бар. Бейбіт жиналыстар-билік ұйымдастырған мәдени-бұқаралық іс-шаралар емес, азаматтардың жиналысы. Біз 8 наурызда шеру мен митинг өткізу құқығымыз үшін күресуге ниеттіміз. Бізбен бірге 2022 жылы феминистік шеруге қатысыңыз!» деп хабарлады қыздар өз парақшасында.

2021 жылдың 8 наурызында Алматыда Халықаралық әйелдер күніне орай марш өтті. Қала әкімдігі акцияны бірнеше жыл ішінде алғаш рет мақұлдады. Митингке 500-ден аса адам жиналды.