Facebook ақаулық кезінде жеке деректердің тарап кетуін жоққа шығарды

Facebook кеше кешке болған үлкен ақаулық салдарынан әлеуметтік желі қолданушыларының жеке деректері желіге тарап кетпеді деп мәлімдеді.

Бұл туралы Orda.kz РИА Новостиге сілтеме жасап хабарлады.

Бұған дейін Privacy Affairs интернет-басылымы әлеуметтік желілердің жұмысындағы сәтсіздік туралы хабарламалар аясында Facebook-тің 1,5 млрд қолданушысы туралы мәліметтер DarkNet-те сатылымға қойылғанын хабарлаған болатын. Бейресми мәліметтер бойынша, бұл әлеуметтік желі қолданушыларының аты-жөні, физикалық және электрондық пошта мекенжайлары мен телефон нөмірлері болатын.

– Бізде ақау кезінде пайдаланушы деректерінің сыртқа таралып кеткені туралы дәлел жоқ, - делінген Facebook хабарламасында.

Facebook, Instagram, WhatsApp және осы компанияға тиесілі басқа да бірқатар қосымшалар 4 қазан қолданушыларға жеті сағатқа жуық қолжетімсіз болды.

Facebook негізін қалаушы және басшысы Марк Цукерберг Facebook, Instagram және WhatsApp мессенджерінің интернет -платформаларының сәтсіздігі үшін кешірім сұрады.

WhatsApp, Instagram және Facebook мессенджерлері бүкіл әлемде жұмысын тоқтатты. Қазақстандық қолданушылар да әлеуметтік желілерге қосыла алмайтынына шағымданды. Downdetector веб-сайтының хабарлауынша, мұндай ақаулықты Ресей, Украина, Польша, Словакия, Венгрия, Эстония, Латвия және басқа елдердің қолданушылары еңсерген.